Каталонија ќе го бојкотира Адидас поради спорни патики со шпанско знаме!?

05 јули 2020 - 08:15

Германскиот гигант за спортска опрема Адидас направи модел на патики со кои ги одбележува секои Олимписки игри низ годиниве, па така Барселона која беше домаќин на ЛОИ 1992 година доби таква колекција која буквално ги разбесни Каталонците.

Сепаратистичкиот регион кој се бори за самостојност најави бојкот на Адидас, зашто Германците им направиле патики со шпанското знаме, а на нив пишува Барселона. Иако Барселона и Каталонија се дел од Шпанија, во оваа провинција политиката очигледно не може, а да не замеша прсти и во најбанална работа.

Според Каталонците, патиките се толку спорни, зашто имаат две основи кои не се споиви – шпанско знаме и Барселона.

„Во Барселона нема ништо да продадете“ е пораката на Каталонците.

Адидас вакви патики направи за да ги одбележи игрите и во Монтреал, Сеул, Сиднеј... Ама, само во Каталонија наидоа на сериозен отпор. Инаку патиките чинат 155 долари.