Почнуваат подготовките за Шкотска и Словенија - Седлоски ги собра фудбалерите! (ФОТО)
Избраниците на селекторот Гоце Седлоски се ставаат на располагање на националниот тим, со желба циклусот да го завршат со позитивен резултат, откако досегашните осум натпревари не донесоа ниту една победа, а Македонија не успеа ниту да ја затресе противничката мрежа.
Кога станува збор за составот, најголемо внимание привлече изоставувањето на Бојан Миовски, додека ново име во сениорската репрезентација е Марко Ѓорѓиевски, кој за првпат е со сениорската селекција.
Првиот предизвик е гостувањето кај Шкотска во Глазгов, закажано за петок, 13-ти, со почеток во 20:45 часот. Три дена подоцна, во истиот термин, Македонија на домашен терен ќе ја пречека селекцијата на Словенија.