Елмас може да добие нов тренер: Хрват е кандидат за клупата на Аталанта

29 октомври 2026 - 19:19

Хрватскиот тренер Игор Тудор би можел да се врати во Италија по неуспешната авантура во Тотнем, а како негов следен клуб се споменува Аталанта, каде што игра македонскиот репрезентативец Елиф Елмас.

Маурицио Сари се наоѓа пред отказ по лошите резултати со Аталанта, а Тудор би можел да го добие кормилото на екипата од Бергамо уште вечерва.

Италијанските медиуми пишуваат дека Сари ќе биде отпуштен доколку Аталанта не ја победи Фиорентина во мечот кој почнува од 20.45 часот.

По девет одиграни кола, Аталанта е на 12. позиција во Серија А со 10 освоени поени.

Фото: Facebook/Atalanta Bergamasca Calcio