НБА ѕвезда потпиша договор од 40 милиони долари, па доби мистериозна болест

Ситуацијата е загрижувачка, со оглед на тоа што летово потпиша нов двегодишен договор вреден 40 милиони долари. Клубот не објави кога би можел да се врати на тренинзите, а сезоната за Вориорс започнува на 21 октомври со натпревар против Лејкерс.

Порзингис во вторникот се појави во клупскиот камп, но не тренираше. Тој разговараше со генералниот менаџер Мајк Данливи и главниот лекар на тимот, Рик Челебрини. По состанокот, Вориорс само потврдија дека Порзингис и понатаму нема да тренира, но ќе биде со екипата. Ниту клубот ниту играчот не ги открија деталите од разговорот.

Hello people, I'm working with doctors and experts to figure out how to be fully back to good health asap. Honestly, I'm getting better and better. I just have to stay patient, and I believe I'll be feeling great again soon. It has definitely been frustrating dealing with some health stuff that you can't exactly pinpoint, on top of injuries throughout my career, so it has added up for sure, but we will get through it 💪🏼 Health is wealth. Thank you for all the support 🙏🏼

— Kristaps Porzingis (@kporzee) October 14, 2026

Главниот тренер Стив Кер изјави дека не знае за што точно станува збор и кога би можел да смета на Летонецот. Во меѓувреме, Порзингис се огласи на социјалните мрежи за да ги прекине шпекулациите за неговата здравствена состојба.

„Здраво на сите, соработувам со лекари и специјалисти за што побрзо да бидам целосно здрав. Искрено, се чувствувам сè подобро. Само треба да бидам трпелив и верувам дека наскоро повторно ќе се чувствувам одлично“, напиша тој.

Додаде дека е фрустрирачки да се соочува со здравствени проблеми врз кои нема никакво влијание.

„Здравјето е богатство. Ви благодарам за поддршката“, порача тој.

Во објавата се осврна и на гласините, па саркастично им се заблагодари на интернет-лекарите кои се обидуваат да поставуваат дијагнози, а потоа заклучи: „Немам ХИВ ниту СИДА.“