Српски коментатор брутално ги искоментира седумте гола во историскиот дебакл на Хрватска (ВИДЕО)

Неговиот коментар адекватно го отслика најтешкиот пораз во историјата на хрватската репрезентација, која на стадионот во Риека беше декласирана од Англија со неверојатни 0-7, во натпревар од третото коло во групната фаза на Лигата на нации. Уште во раната фаза на натпреварот на стадионот „Руевица“, коментаторот ја истакна огромната разлика во квалитетот на теренот, осврнувајќи се на фактот дека Англичаните апсолутно доминираат. Тој посебно внимание им обрна на најмладите навивачи кои не ја губеа надежта и покрај катастрофалниот старт на нивните миленици.

„Хрватска во првите 20 минути имаше еден напад. И тоа ако ја честиме хрватската репрезентација. Колкава разлика во класа во овие 20-тина минути од натпреварот! Ниту на овие дечиња на трибините не им е сеедно. Резултатот е 0-3, а од трибините се слуша: 'Сакаме победа!' Деца...“, истакна коментаторот на почетокот од средбата.

Додека англиските фудбалери безмилосно ја полнеа хрватската мрежа преку двојните стрелци Хари Кејн и Букајо Сака, како и погодоците на Ентони Гордон, Џуд Белингем и Морган Роџерс, коментаторот потсети на очајната традиција која домашниот селектор Славен Билиќ ја има против „Гордиот Албион“. Откако Англија го постигна и четвртиот гол пред крајот на првото полувреме, тој направи паралела со уште еден тежок пораз од минатото, забележувајќи ги очајните лица на хрватските ѕвезди.

„Хрватска е разбиена. Билиќ не прима помалку од четири гола кога губи од Англија. Беше 1-4, 1-5 и сега е 0-4 уште на полувреме. Кој можеше да го очекува ова?! Ова веќе сега е полошо од оние 0-6 против Шпанија. Погледнете ги изразите на лицата на Лука Модриќ и Андреј Крамариќ... Англија почувствува дека може и ја наполни хрватската мрежа. Ќе бидат ова тешки денови за Хрватите во пресрет на Шпанија, а можеби следуваат и уште потешки по вторник.“

Запрашувајќи се дали стадионот „Пољуд“ воопшто ќе биде исполнет за претстојниот дуел во вторник против Шпанија со оглед на претрпената катастрофа, српскиот новинар го сумираше крајот на кошмарната вечер во Риека. По последниот судиски свиреж, тој го искоментира и поздравот меѓу двајцата селектори, Томас Тухел и Славен Билиќ, ставајќи точка на преносот за натпреварот кој Хрватите долго ќе сакаат да го заборават.

„Погледот на семафорот говори доволно. Поздравот на Тухел и Билиќ... Тухел како да му се извинува на Билиќ за кошмарната вечер во Риека. Готова е играта на мачка и глушец. Англија на гостувањето во Хрватска постигна седум гола. Најубедлив пораз на Хрватска во историјата. Хрватска - Англија 0-7, но разликата во квалитет посебно ги боли сите во Хрватска.“

Сите „бисери“ на српскиот коментатор слушнете ги ТУКА.

ФОТО: www.mancity.com