Спалети има „златни џокери“: Јувентус ја скрши Парма со магија од клупата! (ВИДЕО)

„Старата дама“ имаше сериозни потешкотии да го пробие бедемот на гостите во првите 45 минути, период во кој единствената вистинска закана беше силниот удар од дистанца на Франсиско Консеисао кој заврши во рамката од голот. Сликата на теренот целосно се промени по влегувањето на свежите сили од клупата. Нико Гонзалез влезе во игра во 57. минута на местото на индиспонираниот Џонатан Дејвид и по само шест минути на теренот донесе водство за „бјанконерите“ и ерупција на трибините на стадионот во Торино.

Парма беше принудена да се отвори во потрага по израмнување, што остави простор за тимот од Торино да го запечати триумфот. Точка на натпреварот стави Тен Копмајнерс во 88. минута со погодок за конечни 2-0, само две минути откако принудно влезе во игра на местото на повредениот Андреа Камбијасо.

Со оваа победа Јувентус дојде до максимални шест бода од првите две кола и го потврди одличниот старт на новата сезона во италијанското првенство. Головите погледнете ги ТУКА.