Селекторот на слатки маки – Сестина ќе го предизвика Стјуарт за македонскиот дрес!

Станува збор за играч на евролигашот Олимпија Милано, кој настапува на крилните позиции и кој ќе биде во конкуренција за настап на јулските средби против Ирска и Луксембург. Тој се очекува да му се приклучи на националниот тим на утрешниот утрински тренинг во салата „Лазар Лечиќ“ во Скопје.

Сестина доаѓа по успешна сезона во дресот на италијанскиот шампион, во чиј ростер се врати во март годинава по петмесечна пауза поради повреда на рамото. Подготовките на националниот тим продолжија денеска со уште две важни имиња – нашиот нов Американец Ди Џеј Сјуарт и Андреј Јакимовски, кој ги пропушти воведните тренинзи и контролниот натпревар против Бугарија во Самоков.

Македонија на 2 јули во Скопје ќе ја пречека селекцијата на Ирска, а три дена подоцна ќе гостува кај Луксембург. Пред официјалните предизвици, „црвено-жолтите“ ќе имаат уште една контролна проверка и тоа задутре (четврток) против Бугарија во салата „Лазар Лечиќ“ (18 часот).