Порто по четири години повторно е шампион на Португалија! (ВИДЕО)

03 мај 2026 - 07:26

Фудбалерите на Порто во 32. коло од португалското првенство со минимална победа од 1-0 против Алверка на домашен терен стигнаа до 31. шампионска титула во клупската историја.

Порто во пресрет на натпреварот имаше ситуација во која и реми ќе му беше доволно за титулата, откако Бенфика претходно киксна на гостувањето кај Фамаликао. Сепак, избраниците на Франческо Фариоли не оставија ништо на случајноста и со победа ја заверија титулата.

Моментот на одлука се случи во 40. минута кога Јан Беднарек ја затресе мрежата за конечни 1-0 и голема радост на „Драгао“.

За Порто ова е враќање на шампионскиот трон по 2022 година, откако во меѓувреме титулите ги освојуваа Бенфика и Спортинг двапати.

Инаку, Бенфика и натаму останува најтрофејниот клуб во Португалија со 38 титули, Порто сега има 31, додека Спортинг е на бројка од 20 освоени шампионати.