Легендата се враќа: Виља повторно во Атлетико

Иако го носеше дресот на овој клуб само во сезоната 2013/14, тој остави длабока трага, бидејќи со „јорганџиите“ ја освои титулата во шпанската Ла Лига, а исто така стигна и до финалето на Лигата на шампионите. Неговите голови беа многу важни за Атлетико, кој не го заборави, иако всушност Виља остави поголем белег, на пример и во Валенсија и Барселона, како и во шпанската репрезентација.

Сега му се доделени две важни улоги, бидејќи стана советник на клубот и член на Управниот одбор на Атлетико.

„Му посакуваме добредојде дома на еден од нашите херои од сезоната 2013-14“, напиша Атлетико во објава на социјалните мрежи.

Атлетико моментално е трет во шпанската Примера дивизион со 54 бода, 13 зад лидерот Барселона, но е израмнет по бодови со четвртопласираниот Виљареал.