Лејкерс се намачија против еден од најслабите на Западот, ама победија трет пат по ред (ВИДЕО)

Леброн Џејмс беше особено расположен од самиот почеток, преземајќи ја улогата на главен стрелец, бидејќи Лука Дончиќ погоди само еден од првите пет шута. „Кралот“ го диктираше темпото, погодуваше тројки и правеше сè што требаше, но сепак имаше проблем во одбраната. Генерално, одбраната е она што ги мачи Лејкерс во текот на целата сезона, бидејќи речиси сите играчи на Лејкерс се едноставно многу лоши во дефанзива. Затоа Пеликанс успеаја да постигнат 33 поени во четвртината - што генерално не е многу во денешната кошарка, особено во НБА - но Лејкерс не успеаја да одговорат на тоа. Лејкерс успеаја да ја зацврстат својата одбрана, за што Џеј Џеј Редик може да им се заблагодари на играчите од клупата бидејќи тоа доведе до пресврт и домаќините заминаа на голем одмор со предност од три поени.

Сепак, победникот се решаваше во последната четвртина во која гостите влегоа со минимална предност. Домашните направија серија од 12-0, па во последните четири минути влегоа со добра предност. Дончиќ стави крај на натпреварот со тројка за +10 на минута до крајот и тоа беше се во Лос Анџелес.

Словенецот беше најефикасен со 27 поени, десет скока и седум асистенции, Леброн додаде 21 поен, седум скока и седум асистенции, Остин Ривс 15 поени и осум скока, Ејтон 13 поени и осум скока, а Смарт десет поени и седум асистенции за Лејкерс. Зајон Вилијамсон се истакна за Пеликанс со 24 поени, Треј Марфи со 21, Беј со 18 и Дежонат Мареј со 15 поени, осум скока и осум асистенции.

РЕЗУЛТАТИ
Шарлот – Далас 117-90
Кливленд – Детроит 113-109
Орландо – Вашингтон 126-109
Мајами – Бруклин 124-98
Торонто – Њујорк 95-111
Чикаго – Оклахома 108-116
Минесота – Мемфис 117-110
Филаделфија – Сан Антонио 91-131
ЛА Лејкерс – Њу Орлеанс 110-101
Сакраменто – Феникс 103-114