Брера се засили со поранешен младински репрезентативец на Хрватска!

23 јануари 2026 - 12:22

Екипата на Брера Струмица го засили својот ростер во пресрет на пролетниот дел од сезоната, откако во своите редови го доведе 22-годишниот крилен напаѓач Леонардо Петровиќ.

Станува збор за поранешен младински репрезентативец на Хрватска, кој во Струмица пристигнува како слободен играч. Во есенскиот дел од сезоната Петровиќ настапуваше за хрватскиот Змијавци, а претходно беше дел и од Радник Бијељина.Новото засилување на Брера во својата досегашна кариера има и две сезони минати во редовите на Посушје, каде што стекна значајно искуство во босанско-херцеговачкото првенство.

Струмичани есенскиот дел од првенство го завршија на седмата позиција со 19 бодови, еден повеќе од Тиквеш и три од Пелистер, кои се на местата што водат во бараж за опстанок.