Класата е вечна: Несторовски со еврогол му донесе победа на Славен (ВИДЕО)

12 септември 2025 - 22:16

Екипата на Славен се искачи на третото место на табелата во хрватското првенство откако вечерва на домашен терен ја совлада Истра со 2-1 за трет триумф во сезоната.

Херој на тимот од Копривница беше македонскиот интернационалец Илија Несторовски кој го постигна својот прв гол сезонава - и тоа каков. При резултат 1-1, Шуто го проигра нашиот напаѓач на работ на шеснаесетникот, а овој со прекрасен удар го лобуваше противничкиот голман и ја затресе мрежата на Истра.

Ова беше петти натпревар на Несторовски оваа сезона, на претходните четири, два пати одигра цел меч, а два пати по 45 минути, но вечерца го постигна првиот гол.