Македонија поразена од Ирска: Кадетките го освоија 18. место на ЕП

29 август 2025 - 11:59

Македонската женска кадетска репрезентација беше поразена од Ирска со 53-63 со што го освои 18. место на Европското првенство (ЕП) за кошаркарки до 16 години во Истанбул.

По израмнетиот почеток меѓу двете селекции, Ирска влезе во серија од 12-0 со што создаде предност од 29-16 на полувреме.

Македонија се разигра во вториот дел, каде што ја намали негативата на само два поени 39-41, меѓутоа Ирска повторно ја презема контролата и на крајот славеше со 63-53.

Најефикасна во составот на Македонија беше Колева со 14 поени, четири скокови и четири асистенции, додека Трајковска запиша 13 поени, 10 скокови и две асистенции.

Фото: КФМ