Циципас го допре дното: Гркот доживеа дебакл, па се караше со ривалот (ВИДЕО)

29 август 2025 - 09:42

Грчкиот тенисер Стефанос Циципас доживеа нов дебакл и беше елиминиран во второто коло на Ју-Ес Опен од Германецот Даниел Алтмајер, по што реши да се кара со него на теренот.

Циципас имаше замерка на сметка на Алтмајер, поради еден од неговите сервиси во четвртиот сет, по што Германецот реши да се повлече и да не влегува во дополнителна караница со противникот.

„Следен пат немој да се чудиш кога ќе те погодам со топче во телото, во ред?“, кажа Циципас.