„Кралевите“ пак ќе атакуваат на сите трофеи: НБА кошаркар пред потпис со Реал Мадрид

19 јули 2025 - 09:54

Откако оваа сезона остана само со пехарот од домашното првенство, Реал Мадрид за претстојната кампања подготвува силен состав со кој ќе се вмеша во борбата за сите трофеи.

Веќе го смени тренерот и на позицијата го постави Серџо Скариоло, нови засилувања се Дејвид Крамер и Тео Маледон, а следна цел е еден НБА кошаркар. Станува збор за Чума Океке кој последните пет сезони играше во НБА лигата, последен тим му беше Кливленд, а претходно настапуваше за Орландо и Филаделфија.

Во 2019 година Океке беше избран како 16. пик на драфтот, додека своите минути ги бараше и низ Развојната лига каде учествуваше како член на филијалата на Њујорк Никс.