Maнасков не оди никаде - потпиша нов договор со Пелистер!

02 јули 2025 - 16:54

Актуелниот шампион на Македонија, екипата на Пелистер работи на комплетирање на тимот за наредната сезона, па така нов договор потпиша и еден од најискусните во тимот, Дејан Манасков.

Манасков со битолскиот клуб се договори за соработка на уште една сезона, па така и во наредната ќе го носи дресот на пелистерци.

„Ни причинува задоволство што уште еден победник и ракометар со големо акумулирано искуство ќе настапува за Пелистер во домашните натпреварувања и Лигата на шампионите“, истакнаа од клубот по продолжувањето на соработката.

Во Битола Манасков пристигна во јануари 2024 година и со овој клуб веќе има две шампионски титули на Македонија, а во кариерата го носеше дресот уште на: Вардар, Металург, Вецлар, Рајн-Некар  Левен, Веспрем...

Пелистер на позицијта лево крило покрај Манасков ги има уште Цветан Кузманоски и Петар Атанасијевиќ.