Фати потпишал нов договор пред да замине на позајмица во Монако

02 јули 2025 - 12:33

Ансу Фати, фудбалерот кој требаше да биде наследник на Лионел Меси, следната сезона ќе игра на позајмица во Монако, откако Барселона реши да го испрати во тимот кој се натпреварува во Лига 1.

Фати никогаш не го исполни својот потенцијал и не успеа да го замени Аргентинецот, но управата на Барселона сè уште верува дека може да игра на врвно ниво и затоа му го продолжи договорот до 2028 година.

Репрезентативецот на Шпанија треба да се врати во форма со настапите во Монако, по што се очекува да добие поважна улога во каталонскиот гигант.

Фото: Facebook/AS MONACO