Борусија Дортмунд победи и си закажа четвртфинална битка со Реал Мадрид! (ВИДЕО)

02 јули 2025 - 07:31

Борусија Дортмунд ја оправда улогата на фаворит, со 2-1 го победи мексиканскиот клуб Монтереј и се пласира во четвртфиналето од Светското клупско првенство.

Германскиот тим поведе рано, уште во 14. минута по асистенција од Адејеми, Гираси ја смести топката во мрежата на противникот за водство од 1-0.

Десет минути подоцна истите актери ја зголемија предноста на Дортмунд, Адејеми повторно ја имаше улогата на асистент, а Гираси погоди за 2-0.

Монтереј одлично го стартуваше второто полувреме, по само три минути во него Бертерам даде гол со глава, намали на 2-1 и го врати мексиканскиот тим во живот.

Но, до крајот на мечот немаше друг погодок, Борусија Дортмунд го сочува водството и се пласираше меѓу осумте најдобри на турнирот каде ќе игра против Реал Мадрид.

Фото:X/BVB