Гвардиола доби одлична вест пред финалето и важните битки за ЛШ

09 мај 2025 - 19:29

Напаѓачот на Манчестер Сити, Ерлинг Халанд, е целосно подготвен да се врати на терените по пауза поради повреда, потврди денеска тренерот на „граѓаните“, Пеп Гвардиола, на прес-конференцијата пред претстојниот натпревар против Саутемптон.

Халанд беше надвор од теренит од март поради повреда на глуждот што ја заработи во натпреварот од ФА Купот против Борнмут. Неговото враќање доаѓа во исклучително важен момент за тимот, непосредно пред финалето на ФА Купот против Кристал Палас, кое се игра на 17 мај на „Вембли“, но исто така и пред последните три кола во Премиер лигата во кој Манчестер сити ќе води битка за пласман во Лигата на шампионите

„Тој е подготвен за настап, но дали ќе започне од првата минута, ќе одлучиме утре“, изјави шпанскиот стратег

Норвежанецот беше на клупата минатиот викенд во минималната победа на Сити над Вулверхемптон, но не доби минути на теренот.

Манчестер сити моментално е на третата позиција во Премиер лигата, со три бода предност пред шестопласираниот Нотингем Форест, во борбата за место во Лигата на шампионите.

Фото: Manchester City/X