Ужас: Во сообраќајка загина хрватски фудбалски репрезентативец!

18 април 2025 - 22:31

Тешка сообраќајна незгода се случи во Карловац, Хрватска, каде што се повредени три лица, а животот го загубија двајца меѓу кои и поранешниот хрватски репрезентативец Никола Покривач.

Во несреќата, која се случила околу 20.15 часот, учествувале четири автомобили, а од полицијата потврдиле дека еден од починатите е фудбалерот.

Хрватот во кариерата играше за Динамо Загреб, Монако, Салцбург, Интер Запрешиќ, Шахтер, Славен Белупо и други екипи, додека репрезентативниот дрес го носеше на 15 натпревари. За коцкестите настапи на Евро 2008 година. 

Откако му беше дијагностициран тежок вид на рак пред неколку години, Покривач се повлече од професионалното играње фудбал, па настапуваше во аматерските лиги во Хрватска.