Прилепчанец и битолчанец го тепале Радески во Тетово!

10 април 2025 - 13:47

Две лица се приведени вчера во Тетово поради физички напад врз фудбалерот на актуелниот шампион Струга, Марјан Радески, информираа од Министерството за Внатрешни работи.

Инцидентот се случил во близина на тетовскиот стадион, веднаш по завршувањето на првиот полуфинален натпревар од Купот на Македонија Шкендија и Струга. Зад решетки завршиле 34-годишниот Д.Д. од Прилеп и 37-годишниот И.А. од Битола, кои се задржани во полициска станица, а по целосно документирање на случајот, ќе им бидат поднесени соодветни пријави.

Радески изјавил дека при излегување од стадионот го забележал Д.Д., со кого претходно се познавал, кој го повикал да влезе во возило со прилепски регистарски таблички, каде бил присутен и И.А., по што двајцата физички го нападнале.