Продолжува бојкотот на Далиќ - трета година по ред не гласа во изборот на ФИФА

17 декември 2024 - 21:22

Сите селектори на репрезентации од цел свет гласаа во изборот на ФИФА за најдобрите фудбалери, со исклучок на предводникот на хрватскиот национален тим Златко Далиќ.

Ова не е исклучок, туку веќе правило, бидејќи трета година тој не учествува во гласањето на The Best. Во 2022 година Далиќ изјави дека ФИФА нема респект кон хрватските фудбалери и резултатите на оваа репрезентација и оттогаш ја бојкотира светската фудбалска организација.

За разлика од него, повторно учествуваше Лука Модриќ кој своите гласови им ги даде на соиграчите од Реал, Винисиус, Белингам и Карвахал, а гласаше и новинарот на Спортске новости, Роберт Матеони.