Франција ја совлада Унгарија и избегна полуфинале против Норвешка

10 декември 2024 - 19:34

Француските ракометарки триумфираа со 30-27 против Унгарија во петтото коло од втората фаза во Европското првенство (ЕП) и избегнаа дуел против Норвешка во полуфиналето.

Двете селекции пред оваа средба го обезбедија пласманот во завршната фаза, но и покрај тоа претстоеше голема битка на теренот, па така резултатот по првите 30 минути беше 13-13.

Франција на стартот со мини-серија од 3-0 направи исчекор кон победата и потоа постојано го чуваше водството, иако Унгарија неколку пати се обиде да го загрози (30-27).

Најефикасни кај Франција беа Клои Валентини и Паулета Фопа со по пет голови, додека Катрин Гита Клујбер запиша девет погодоци за Унгарија.

Победата за Франција значи дека во полуфинале ќе игра против победникот од дуелот меѓу Данска и Холандија, додека поразената Унгарија ќе се соочи против Норвешка.