Французите гневни на Мбапе – не може да игра за „петлите“, а може да се забавува во Стокхолм (ФОТО)

Тој му најави на селекторот Дидие Дешан дека поради повреда нема да настапи на дуелите од Лигата на нации против Израел и Белгија, а потоа одигра два натпревари за Реал Мадрид - против Лил и Виљареал), а сега дополнително ги налути своите сонародници. Причина за тоа се папарацо-слики од ноќно излегување на Мбапе и тоа во Стокхолм. Шведскиот весник „Афтонбладет“ објави фотографии од Мбапе по излегувањето од ресторан со пријателите, а се наведува и дека тој потоа отишол во еден од ноќните клубови во шведската престолнина.

Тоа не е секојдневна одлука, ниту пак се знае зошто Мбапе го одбрал Стокхолм за одмор и закрепнување од повредата, но какво и да биде неговото објаснување неговата појава во јавноста му донесе само критики од француските спортски вљубеници.