Лацио со победа го затвори четвртото коло (ВИДЕО)

16 септември 2024 - 23:03

Екипата на Лацио дојде до втората победа и вкупно седмиот бод во новата сезона во Серија А откако вечерва на домашен терен ја совлада Верона со 2-1.

Се што беше важно на мечот се случи во првите 20 минути во кои паднаа трите гола. Диа го донесе Лацио во водство во петтата, во седмата израмни Тенгстет, а во 20. минута Кастељанос се погрижи за нова предност на римскиот тим што се покажа конечен резултат на овој натпревар.

Сите седум бода досега Лацио ги освои на домашен терен бидејќи три пати во првите четири кола играше пред своите навивачи. Вечерашниот меч беше последен од четвртиот круг во Серија А по што римската екипа се најде на шестата позиција, а едно место подолу сега е Верона.