Мекејлеб не ја заборава Македонија – емотивно се потсети на забивање од пред 10 години (ВИДЕО)

Љубовта дефинитивно е обострана, бидејќи и самиот Мекејлеб многу често знае да се потсети на времето минато во нашата држава, односно на настапите во македонскиот национален тим. Така, плејмејкерот пред неколку дена, непосредно пред својот 35. роденден, на Инстаграм постира атрактивно забивање кое се случи пред точно десет години и тоа буквално со звукот на сирената на крајот од првото полувреме на средбата против Велика Британија (75-56) во Скопје. Тоа беше клучниот триумф, одигран во август 2010 година во преполниот „Борис Трајковски“, со кој обезбедивме виза за континенталниот собир на Балтикот, каде што потоа испишавме историја.

Мекејлеб сезонава немаше клуб и иако официјално не е во пензија, тешко е да се очекува дека би можел да се врати на највисоката кошаркарска сцена.