Капитенот на чекор до магичната бројка: Војдан ќе го запише 100. настап за Македонија!

30 август 2026 - 13:33

Македонскиот репрезентативец Војдан Стојановски се наоѓа на чекор до бројката од 100 настапи во дресот на националниот тим, а против Австрија во Виена во вториот циклус од претквалификациите за Евробаскетот 2029 би можел да го одигра јубилејниот 100. натпревар.

Стојановски е рекордер по број на настапи за Македонија, а се очекува да одигра и денеска важна улога во пресметката против Австрија.

„За мене отсекогаш било чест и задоволство да играм за Македонија. Секогаш со голема гордост го носам националниот дрес и сакам да дадам сè од себе за репрезентацијата. Без разлика колку настапи имаш зад себе, секој нов натпревар е посебен и секогаш имаш дополнителна мотивација кога играш за својата земја. Во спортот има тешки моменти, има и моменти кога можеби е најлесно да се откажеш, но кога станува збор за Македонија, секогаш наоѓаш сила да продолжиш. Знаеме што ни значи овој дрес и ќе се бориме до крај, на секој натпревар, да го дадеме нашиот максимум“, кажа капитенот на Македонија.

Македонија денеска ѝ гостува на Австрија во Виена од 16.05 часот. 

Фото: КФМ