Вујошевиќ со критики за репрезентацијата: Не ми се допаѓа пијаната банда

Избраниците на Светислав Пешиќ победија во мечот за бронзениот медал, но временскиот простор од тој дуел, до церемонијата на доделувањето на одличјата го искористија за бурна прослава в кафеана и се вратија во видно алкохолизирана состојба. За нивното славје е посветен посебен дел во документарниот филм објавен неодамна, а Вујошевиќ имаше само критики на сметка на Никола Јокиќ и неговите соиграчи.

„Не ми се допаѓа излегувањето на пијаната банда на доделувањето медали. Ако имаш уште еден ден во животот, живеј го човечки и достоинствено, а не да се влечеш како свиња. Знам дека ќе имам многу напади поради оваа изјава, но јас така мислам, а морам да зборувам како што мислам“, искоментира Вујошевиќ во една телевизиска емисија.

Од спортски аспект, тој го пофали успехот на српската репрезентацијата која беше многу блиску и до финалето во кое ќе се сретнеше со Франција.