Јокиќ се врати со трипл-дабл, Денвер победи (ВИДЕО)

18 јануари 2025 - 08:08

Српскиот кошаркар Никола Јокиќ се врати на паркетот, а со така и екипата на Денвер им се врати на победите во најсилната кошаркарска лига. Изминатата вечер Нагетси беа подобри од Мајами Хит 113-133.

Јокиќ беше одличен на паркетот и стигна до нов трипл-дабл од 24 поени, 12 скокови и 10 асистенции, додека прво име поентерски кај Денвер беше Џамал Мареј со 30 поени и уште седум скокови и осум асистенции.

Во редовите на Мајами најрасположен за игра беше Тајлер Херо со 22 поени, пет скока и четири асистенции.

За Јокиќ овој трипл-дабл беше 17-ти во сезоната и вкупно 147-ми во каирерата, додека Денвер во овој момент е четврти на Западот со скор од 25 победи и 16 порази.

Екипата на Далас и без Лука Дончиќ во составот се радуваше на победа над Оклахома со 106:98. Кај Мавси се издвоија Ирвинг кој постигна 25 поени и додаде по пет скокови и асистенции и Вилијмас кој стигна до 19 поени, пет скока и шест асистенции. Дорт за Оклахома средбата ја заврши со 18 поени, пет скока и три асистенции.

НБА РЕЗУЛТАТИ:
Бостон – Орландо 121:94
Њујорк – Минесота 99:116
Милвоки – Торонто 130:112
Мајами – Денвер 113:133
Чикаго – Шарлот 123:125
Њу Орлеанс – Јута 136:123
Далас – Оклахома Сити 106:98
Сан Антонио – Мемфис 112:140
ЛА Лејкерс – Бруклин 102:101