Бомбардирањето на Абу Даби прекина кошаркарски натпревар, се огласи Евролигата! (ВИДЕО)

28 февруари 2026 - 13:31

Квалификацискиот турнир за млади кошаркари во рамки на Евролига беше драматично прекинат поради нападот на Иран врз Абу Даби.

Абу Даби е домаќин на турнирот за новата генерација кошаркари, а учесници се екипите до 18 години на Реал Мадрид, Жалгирис, Арис, Монако, Дубаи, Абу Даби, Лондон Лајонс и Валенсија.

Во тек беше натпреварот меѓу Монако и Арис кој беше прекинат откако Иран изврши напад врз американски воени бази на Блискиот Исток, меѓу кои и една во Абу Даби.

Набрзо потоа се огласи и Евролигата со кратко соопштение:

„Евролигата и домаќинот активно ја проценуваат ситуацијата, а дополнителни информации ќе бидат соопштени навремено“, се наведува во нивното обраќање.