Ферари во првиот ред: Леклер со пол-позиција во Мајами

07 мај 2022 - 23:25

Шарл Леклер ќе стартува од првата позиција на утрешната премиерна трка за Големата награда на Мајами во САД во рамки на Формула 1. 

Возачот на Ферари имаше најбрз круг во квалификациите со време од 1:29,474 минути. Крај него во првиот ред ќе стартува тимскиот колега Карлос Сајнц Јуниор. Зад нив следуваат двајцата возачи на Ред Бул, Макс Ферстапен и Серхио Перез. Валтери Ботас е петти, а потоа следуваат Луис Хамилтон, Пјер Гасли, Ландо Норис, Јуки Цунода и Ленс Строл. 

За Леклер ова е трета сезонска пол-позција во квалификациите. Утрешната трка во Мајами стартува во 21:30 часот по средноевропско време.