Ливерпул е во „аут“, Рома ја доби италијанската војна (ВИДЕО)

На вечерашното гостувањето, „црвените“ славеа минимален триумф, со 1-0, но тоа не беше доволно по оној дебакл пред своите навивачи со 0-3 минатата недела. Единствениот гол го постигна Мохамед Салах од пенал, Ливерпул потоа имаше уште неколку шанси, но не успеа да дојде до посакуваниот резултат.

Рома и во вториот натпревар беше подобра од Милан во италијанската пресметка од Лигата Европа и на домашен терен триумфираше со 2-1. Се беше готово по 22 минути игра во кои мрежата на „росонерите“ ја погодија Манчини и Дибала, па погодокот на Габија во 85. минута не беше доволен. Рома скапо ја плати победата бидејќи уште во првото полувреме, поради повради остана без Лукаку и Дибала.

Во полуфиналето се пласира и Баер Леверкузен кој ја продолжи серијата без пораз оваа сезона откако на гостувањето кај Вест Хем одигра нерешено, 1-1. Доволен беше триумфот во првиот меч со 2-0 со што новиот германски шампион го продолжи својот сон за тројна круна оваа сезона. Последниот патник меѓу четирите најдобри ќе биде познат нешто подоцна, откако ќе заврши дуелот меѓу Марсеј и Бенфика на кој ќе се играат продолженија.

РЕЗУЛТАТИ
Рома - Милан 2-1 (прв натпревар 1-0)
Аталанта - Ливерпул 0-1 (3-0)
Вест Хем - Баер 1-1 (0-2)
Марсеј - Бенфика 1-0 (0-1), на пенали 3-2