„Ќе треба да играм до 80 години за да ги замолкнам сите критичари!“

Францускиот напаѓач, Килијан Мбапе блесна со два гола во второто полувреме од мечот со Сенегал и донесе победа за својата земја.

Со денешните два гола тој стана и најдобар стрелец во историјата на Франција.

По мечот беше прашан и за критиките кои ги добиваше во изминатите месеци.

„Не играм за да се одмаздувам. Ако сакав да ги замолкнам сите тие критики, ќе треба да играм до 80 години“, вели Мбапе.

„Фокусиран сум само да одиграм најдобро за мојата земја. Тоа е тоа. Целосно сум фокусиран на тоа“.