Гвардиола: Некогаш и самиот се изненадувам од одлуките кои ги носаам

22 септември 2025 - 07:20

Во дерби натпреварот од петтото коло на англиската Премиер лига, Арсенал и Манчестер Сити одиграа реми 1:1 на „Емирати“ во Лондон, а по натпреварот стратегот на Манчестер сити, Пеп Гвардиола призна дека е разочаран од резултатот.

Сити поведе уште во деветтата минута, но не успеа да ја задржи предноста до крајот бидејќи Мартинели во самата завршница погоди за 1-1.

„Разочаран сум од резултатот. Одигравме  одлично, иако зад нас е тежок и напорен период. Не е лесно да се игра во ваков ритам, сепаак и противникот прикажа добра игра, па ремито можеби е реален и фер исход“, изјави Шпанецот. 

Додаде Пеп и дека неговиот тим е во фаза на транзиција и дека има уште многу простор за напредок.

„Оваа екипа мора да созрева. Имаме многу нови фудбалери, меѓу кои и голманот . Никогаш досега не сме имале помлада екипа. Ќе одиме чекор по чекор“, додаде Гвардиола.

Новинарите го запрашаа и зошто повторно се одлучи за истиот стартен состав од претходниот натпревар.

„Се разбудив вчера и си кажав, ќе играат истите фудбалери.. Понекогаш дури и сам себе се изненадувам од одредени одлуки коги ги носам. Стареам, пријатели мои“, заврши Пеп со насмевка.

Фото: Manchesster City/FB