Данило го напушти Јувентус, познато и каде продолжува

27 јануари 2025 - 16:16

Oд редовите на Јувентус потврдија дека го раскинуваат договорот со Бразилецот Данило кој во Торино беше и еден од капитените на тимот.

Во Јувентус Данило пристигна во 2019 и долго време беше еден од поважните членови на тимот, но сезонава со доаѓањето на Тијаго Мота падна во втор план.

Вкупно дресот на „старата дама“ го носеше на 2013 натпревари и постигна девет гола, а успеа да освои и четири трофеи. За Јувентус последен пат настапи против Венеција во натпреварот кој се одигра на 14-ти декември изминатата година.

Веќе е познато и дека негов нов клуб ќе биде Фламенго со што ќе се врати во татковината. Покрај Јувентус, Данило во кариерата настапуваше уште за: Атлетико Минеиро, Сантос, Порто, Реал Мадрид и Манчестер сити.