Aнглиско дерби за Родриго, Реал Мадрид ја одреди цената

16 јули 2025 - 12:41

Реал Мадрид како што стојат работите не би имал ништо против Родриго за адекватна понуда си замине ова лето бидејќи најверојатно нема да биде прва опција кај тренерот Чаби Алонсо.

Тоа можеше да се види и на Светското клупско првенство, а за Бразилецот има заинтересирани. Според „АС“ најголем фаворит за потписот на Родриго е Ливерпул.

Но, исто така и Арсенал се поврзуваше со потенцијален ангажман. Но, ако некој сака да го доведе ќе мора да плати 100 милиони евра, тоа е цената која ја одредиле во Мадрид.

Ситуацијата ја следи и Баерн кој на почетокот на летото за таа позиција сакаше да доведе некој од Вирц и Вилијамс, но првиот се пресели во Ливерпул, а вториот го продолжи договорот со Атлетик Билбао. Сепак, во Баерн не сакаат да потрошат повеќе од 70 милиони евра и поради тоа како опција која е повеќе реална се споменува Луис Дијаз.