Ристовски стана миленик на навивачите зашто не си оди од Спортинг (ФОТО)

15 јуни 2018 - 18:16

Македонскиот репрезентативен десен бек Стефан Ристовски од своето деби за Спортинг Лисабон, по доаѓањето од хрватска Риека беше посочуван од навивачите на зелено-белите дека е добро заслување во во сегашниот турбулентен период тој и уште неколкумина фудбалери едноставно станаа – миленици.

Откако најголемиот дел од ѕвездите на Спортинг како Баст Дост, Руи Патрисио, Вилијам Карваљо, Желсон Мартинес ја прекинаа соработката со португалскиот клуб поради нападот што хулигани го извршија врз тренинг-капмот, Ристовски веќе извесно е дека ќе остане во Лисабон. И сето тоа наиде на големо воодушевување кај дел од навивачите.

Една од твитер-страниците на Спортинг вее посочи дека Ристовски заедно со Коатес, Пичини и Матју се мажи со големо М. Затоа што решиле да не ги предадат четирите милиони навивачи на Спортинг.

„Што да кажам за Коатес, Пичини, Метју и Ристовски, освен дека се мажи со големо М. Со чест, карактер, лојалност, посветеност – автентични херои. Ви благодарам што не ги напуштивте четирите милиони спортингистас, младите, децата, категориите у15, у17, у19...“, стои во објавата.