Реал Мадрид добил добар попуст за Мастантуоно само поради една работа

12 јуни 2025 - 07:21

Реал Мадрид успеа да ја добие битката по талентираниот Франко Мастантуоно кој од Ривер Плата ќе се пресели во кралскиот клуб по завршувањето на Светското клупско првенство.

Откупната клаузула за фудбалерот изнесуваше 45 милиони евра, но „Марка“ тврди дека Реал Мадрид ќе плати четири милиони помалку, односно цената за нив ќе изнесува 41 милион евра.

Причината за попуст е тоа што се сложиле да го пуштат Мастантуоно да игра за Ривер Плата на Светското клупско првенство.

Аргентинецот важи за еден од најголемите таленти во моментов, за него интерес имаше и од ПСЖ кој му нудеше и повеќе пари, но пресуди желбата да се облече белиот дрес на Реал Мадрид.