Реал и Атлетико викендов нема да ги играат мечевите во Ла Лига
Ла Лига им излезе во пресрет на мадридските клубови, како што тоа го стори во случајот со Барселона и Севилја во минатиот месец, а сето тоа е поради хаотичниот календар најмногу предизвикан и од актуелната пандемија со ковид-19.
Јужноамериканците имаат уште едно коло за играње, а двата клуба имаат огромен број на фудбалери од овој континент, па фудбалерите нема да може да стигнат на Пиринеите. Ла Лига им излезе и во пресрет на двата мадридски клубови за подолга подготовка за претстојните мечеви во Лигата на шампионите следната недела.