Проблеми за Тер Штеген: Шчесни не планира да замине од Барселона

24 март 2025 - 15:28

Војчех Шчесни се врати од пензија за да го облече дресот на Барселона, а многумина очекуваа дека ќе игра само оваа сезона по што повторно ќе се повлече, меѓутоа планот очигледно е поинаков.

Каталонските медиуми пишуваат дека Полјакот донел одлука и решил да преговара со Барселона за продолжување на соработката до 2027 година.

Шчесни го искористи отсуството на повредениот Марк Андре Тер-Штеген и ја доби довербата од тренерот Ханси Флик, па ќе биде интересно да видиме кој ќе биде прв голман на Барселона во иднина.