Марушиќ му побегна на Секулов и го расплака Јувентус (ВИДЕО)

30 март 2024 - 20:03

Лацио славеше во дербито против Јувентус со 1-0 во 30. коло од првенството, а Македонецот Никола Секулов нема по добро да го памети дебито во дресот на гигантот.

Екипата од Рим беше подобра од Јувентус на теренот и создаде речиси двојно повеќе шанси, а последната за гол ја искористи Адам Марушиќ, и тоа откако му избега на Секулов.

Марушиќ со глава во 93. минута го матираше Шчесни за 1-0, а Јувентус не успеа да го возврати ударот до крајот на мечот.

Јувентус остана на третата позиција со 59 бодови, додека Лацио се искачи до седмото место и има 46 бода.