Лидс „меле“ во Премиерлигата, Алиоски доби минимална минутажа (ВИДЕО)

27 септември 2020 - 15:39

Повратникот во елитното прекиерлигашко друштво, екипата на Лидс, дојде до вториот триумф во третиот меч од новата сезона, откако денеска, како гостин, беше подобар од тимот на Шефилд Јунајтед (1-0).

Добрата игра беше крунисана дури во 88. минута со погодокот на Патрик Бамфорд. Гостите ја имаа контролата врз играта и беа далеку поопасни, по што со деветиот шут, конечно, ја начнаа мрежата на домаќинот.

Алиоски, кој влезе во последните моменти од мечот и неговите соиграчи сега се насочуваат кон големиот предизвик што ги очекува следниот викенд, а тоа е пресметката со Манчестер Сити.