Хаос во тимот на Пандев: Половина Џенова е позитивна на Ковид-19!

28 септември 2020 - 21:40

Пред вчерашниот меч на гости кај Наполи, кој го загубија со убедливи 0-6, имаше сао двајца позитивни на Ковид-19 во таборот на Џенова, додека денеска, таа бројка се искачи на дури 14 фудбалери и членови на стручниот штаб.

Матија Перин беше првиот заразен со коронавирус во таборот на овој италијански прволигаш, а потоа по негови стапки „тргна“ и Ласе Шоне, кои го пропуштија гостувањето во Неапол.

„По денешното тестирање, бројот на позитивни на Ковид-19 во нашиот тим скокна на 14 членови на играчкиот и тренерскиот тим. Активирани се сите процедури и информирани надлежните органи. Клубот навреме ќе ја информира јавноста за сите промени“, се вели во соопштението од Џенова.

Покрај Пандев и соиграчите, во ризик за зараза се и фудбалерите на Наполи, меѓу кои и нашиот Елиф Елмас, поради контактите кои ги имаа со фудбалерите на Џенова во вчерашната пресметка.