Дури и Анчелоти е задоволен што Чави ќе остане на клупата на Барселона!

25 април 2024 - 14:30

Веста дека Чави ја променил одлуката и дека нема да си замине од клупата на Барселона на крајот од сезоната се уште е една од најважните теми во спортските кругови, а за тоа се изјасни дури и Карло Анчелоти, предводникот на најголемиот ривал Реал Мадрид.

Тој смета дека тоа е добра вест за фудбалот.

„Чави направи добра работа што реши да остане во Барселона. Тоа е најдобрата одлука за него. Добро го познава клубот, знае што треба. Мора да го почитуваме тоа што го промени мислењето, боже мој сите тоа го правиме, а такво нешто не е ниту забрането“, изјави Анчелоти.

Чави е поранешна играчка легенда на Барса за која одигра 505 меча во период од 17 години, додека на клупата на овој тим е од 2021 година.