„Дејли Мејл“: Манчестер јунајтед ќе му го раскине договорот на Роналдо

18 ноември 2022 - 15:35

Манчестер јунајтед соопшти дека е почната постапка против Кристијано Роналдо кој во бомбастичното интервју со Пирс Морган ги нападна раководството на екипата, но и неговите поранешни соиграчи и актуелни колеги во премиерлигашот.

„Ѓаволите“ не се среќни поради изјавите на Роналдо, кој исто така кажа дека нема почит за тренерот Ерик Тен Хаг, па „Дејли Мејл“ објави дека тој би можел наскоро да остане без договорот.

Раководството на англискиот гигант сака на Суд да му го раскине договорот на Роналдо за да избегне исплата на 16 милиони фунти кои му припаѓаат на Португалецот.

Адвокатите на тимот веќе работат на случајот, па може да се случи Роналдо да замине уште во јануари од екипата од Манчестер, а како негова следна дестинација се споменува Челси.