Дебито на Елмас за Наполи против европскиот шампион Ливерпул?
Елмас за неполн час би требало да пристигне во Рим, каде ќе ги изврши лекарските прегледи и потоа ќе го потпише петгодишниот договор за трансферот вреден 16 милиони евра со што ќе стане најскапиот Македонец во историјата, а потоа експресно ќе им се придружи на новите соиграчи на тренинг кампот и ќе ги започне подготовките.
Според најавите на италијанските медиуми, Елмас за пет дена ќе го има и своето деби во дресот на наполитанците и тоа против европскиот првак Ливерпул, меч закажан за 28 јули од 18 часот во предсезонскиот меч. Следен дуел за Наполи е пресметката со Марсеј на 4 август. Инаку официјалното деби македонскиот бисер ќе го има на крајот на август кога ќе почне новата сезона во Серија А, а тој ќе игра и во Лигата на шампионите.