Барди и дружината не издржаа: Валенсија со пресврт го победи Леванте (ВИДЕО)

07 декември 2019 - 20:36

Фудбалскиот репрезентативец на Македонија, Енис Барди, нема по добро да го памети денешниот настап за Леванте против Валенсија, откако загубија на домашен терен со 4-2 иако имаа водство од 2-0.

Леванте поведе уште во 11. минута со голот на Роџер на кој му претходеше одлична асистенција на Барди, а потоа истиот играч зголеми на 2-0 во 20. минута. Сепак, Роџер во судиското продолжение од првото полувреме си постигна автогол со кој им даде крилја на гостите во вториот дел. Со два експресни погодоци на Кевин Гамеиро во 57. и 59. минута, „лилјаците“ успеаја да го свртат резултатот во своја корист, а печат на победата стави Феран Торес во 88. минута.

Сo оваа победа Валенсија е на седмото место со 26 бода, исто колку што имаат и Реал Сосиедад, Атлетик Билбао и Атлетико Мадрид, додека Леванте е на средина на табелата со 20 бода.