Вардар ги објави цените на билетите за натпреварот со Црвена Звезда

24 март 2025 - 10:10

На 16-ти април Вардар и Црвена Звезда во Скопје ќе играат пријателски натпревар кој ќе има хуманитарен карактер и сите средства од билетите ќе бидат донирани за настраданите во пожарот во Кочани.

Денеска од редовите на Вардар информираа и дека цените на билетите ќе изнесуваат 200 денари за јужната и северната трибина и 100 денари за западната и источната.

Од клубот најавија и дека билетите ќе се продаваат преку платформа за која во наредниот период ќе бидат објавени повеќе детали.

Исто така влезот на натпреварот ќе биде бесплатен за децата од основните училишта во Кочани.