Се враќа во препознатливата гол-форма: Шести гол на Јаховиќ во изминатиов месец (ВИДЕО)

02 мај 2021 - 17:16

Македонскиот интернационалец Адис Јаховиќ уште еднаш се запиша во листата на стрелци, па му даде гол на својот доскорешен тим Анталијаспор во триумфот со 3-2 на Гецтепе во турската Суперлига и ова за Јаховиќ е шести гол во изминатите месец дена.

На Јаховиќ очигледно ептен му одговара Гецтепе, па веќе влезе во голгетерската препознатлива серија и во изминативе месец дена има шест гола од кои еден хет-трик. Денеска погоди во 66-та минута за да донесе прво водство за Гецтепе, кој на шест минути пред на крајот ја обезбеди победата.

Со овој триумф Гецтепе стигна до 51 бод и е деветопласиран, додека Анталијаспор со 43 е на 13-та позиција на табелата, на четири кола до крајот на првенството.