Јаховиќ му даде гол на Фенербахче за Гецтепе да освои бод против великанот (ВИДЕО)

29 ноември 2021 - 20:01

Македонскиот репрезентативец Адис Јаховиќ му даде гол за Гецтепе да освои бод на турскиот великан Фенербахче во денешното реми 1-1, што е втор гол за напаѓачот во оваа сезона во Суперлигата во Турција.

Јаховиќ го шокираше гигантот пет минути пред крајот на првото полувреме, кога успеа да им избега на дефанзивците и прецизно да стрела во мрежата, а Фенербахче се врати во мечот три минути по паузата со гол на Дорсун, а во завршницата остана и со десетмина по исклучувањето на Новак, но гецтепе не успеа да ја искористи бројчаната предност за победа.

За Јаховиќ ова е втор гол сезонава, откако во минатиот месец ѝ даде гол на Касимпаша во победата со 2-1.

Со петтото сезонско реми, Гецтепе дојде до 11 бода и остана во опасната зона, додека Фенербахче со 24 бода е четврти во турската Суперлига.